جريدة الدستور || تنفيييس: ماذا لو قرّر رئيس الوزراء..؟! * كامل النصيرات

تنفيييس: ماذا لو قرّر رئيس الوزراء..؟! * كامل النصيرات

ماذا لو أن رئيس وزرائنا وهو قاعد قعدة صفا : قرّر أن ينام في كل قريةْ أُردنية ليلة واحدة ..؟، يا تُرى ما هي الفوائد الأكيدة من ذلك ..؟؟

اجتهدتُ شوية ..وسأعطيكم اجتهادي و اترك الباقي لكم جميعاً ومش غلط إنو رئيس الوزراء نفسه يجتهد ...وهسه بلا كثرة حكي تعالوا أعطيكوا اجتهاداتي:

أول شي : لو نام رئيس الوزراء في كل قرية ليلة ..سيطول عمر حكومته ..لأن عدد القرى الأردنية أكثر من أيّام أي حكومة تشكلت في الأردن ..،،

وثاني شي : الرئيس رايح يفطر زفر و يتغدى زفر و يتعشى زفر وحتى لو كان عامل (رُجين ..كما تلفظها أمي) لأنه ضيف و الضيف أسير المعزًّب..،،

ثالث شي : سترتفع درجة النظافة في القرى استعداداً لدورها في النومة وهيك رايحين نصير (شعب نظايفي) ..،، ..،،

رابع شي : سيلمس و بنفسه أيضاً مدى حب الأردنيين لحكوماتهم..يا بااااااااااااااااااااي قديش بحبوها ..،،

خامس شي : سيصبح رئيسنا خبيراً بالحساب (قد ما رح يوزًّع شلونة (جمع شلن) و برايز (جمع بريزة) على أطفال القرى ) ..،،

سادس شي : سيعمل نشاط في سوق الورق الأبيض وسوق تصوير المعاملات و نشاط كبير لكتبة الاستدعايات ..وسيرتفع سعرهم جميعاً ..لأن كل مواطن لديه شكوى من عشرين صفحة على الأقل غير الأوراق و التقارير الطبية المصورة..،،

سابع شي : سيعرف الفرق عملياً بين (نومة الأرض) و (نومة التخت أو السرير)..،،

ثامن شي : سيكتب مذكراته تحت عنوان (لمّا كنت بنُـص الشعب) ...،،

تاسع شي : سيستقيل ..نعم سيستقيل ..لأنه سيصل إلى قناعة بأنه لن يستطيع إسعاد هؤلاء الذين يبحثون عن قوت يومهم فقط ولا يعرفون للآن كيف يصفقون بشكل صحيح ..،،

وسلامة تسلمكوا.

abo_watan@yahoo.com

التاريخ : 13-07-2008

1- احسن

ام براءه الجرادات || 7/13/2008 1:42:14 AM بتوقيت الأردن

يا رجل وحد الله شو يزور القرى شو بدك الرئيس يصدم نفسيا من احوال المواطنين اللي تصعب على اللي ماله قلب وندور انطبب ونداوي احنا مش حمل علاجه قله ما يفكرش بالزياره احنا مش حابينه ينجلط لما يشوف احوال الناس المزرية من ارتفاع الاسعار

2- هز الذنب

بلال || 7/13/2008 3:53:06 AM بتوقيت الأردن

راح يلاقي المسؤول عن القرية بهز ذنب الا من رحم ربي

3- الزيارة

زرقاء اليمامة || 7/13/2008 5:37:43 AM بتوقيت الأردن

يا أبو وطن ...أسفة... معاليك
سيادتك نسيت إن الناس هتخش بيوتهامن ساعة ما رجل سيادتك تتحط علي أرض القريةومش هتطلع منها إلا بعد ما سيادتك تنام وتصحي وتمشي من القرية دي وتروح توقف حال قرية تانية!!!!
ألا قولي سيادتك إيه الجمع الغريب ده بتاع"" شلن "" هو مش جمعه"" شلنات "" ههههههههه
la2sale7.maktoobblog.com

4- فيلا في كل قريه

غسان || 7/13/2008 6:17:45 AM بتوقيت الأردن

يجب اولا بناء فيلا في كل قريه وبعد هيك يمكن نزور بعض القرى

5- الئ المحرر

غسان || 7/13/2008 6:31:11 AM بتوقيت الأردن

هاي المره عشرين اضيف تعليق ولا ينشر ارجو من المحرر نشر التعليق
والله ما فيه اشي غلط وهاي عنواني

ghassan005@yahoo.co.uk

please
thank you all

6- انت في انو اتوبيس ...

سامح الدويري || 7/13/2008 6:58:01 AM بتوقيت الأردن

اول شي انت كل اللي حكيته (صدج)
ماغد خامس شي وتاسع شي وحياتك ياخي
لا راح يوزع شولن ولا رح يستقيل لانه اعتقد انه حمله على الكرسي مش ثقيل وسوالفك التنفيسيه حطها ببرميل لانه الاهم منها انك تطرح وتنتقد وتصيح وتولول عل مستقبلنا اللي ضاع واحنا شو بدي اقلك مساطيل مهابيل (ولو) تبعتك هاي من السبعه المستحيل واسالك انت في انو اتوبيس اتوبيس الطفرانه والا اتوبيس الجماعه المليانه وعشان هيك بتعمل تنفيس

7- سارحة والرب راعيها

سامر زكي المدانات/ الإمارات العربية المتحدة || 7/13/2008 7:20:31 AM بتوقيت الأردن

إذا زار رئيس الوزراء القرى سيحدث الآتي:
1. سيرتفع الكوليسترول عنده.
2. ما حدا من الوزراء بداوم.
3. الخدمات في عمان ستصبح شوربة.
4. سيتذمر أهالي عمان من سوء الخدمات.
5. ستحدث هجرة من المدينة إلى الريف.
6. سيتم تشكيل وزاري جديد، إذا مش كل أسبوع، نتيجة تقاعس في عمل الوزارات.
7. عمان ستنتهج المقولة الشهيرة سارحة والرب راعيها.
للحديث بقية.
أسعد الله صباحك
بس حابب أطلب منك خدمة (ما تشطح كثير في الأحلام الوردية)

8- الفكرة حلوة

ابو فارس || 7/13/2008 7:44:28 AM بتوقيت الأردن

يا ريت الفكرة تعجب الرئيس ويطبقها لنصل سريعاالى الشيء التاسع ونرتاح

9- صحنين رجين

د.عادل حامد "طبيب اسنان " || 7/13/2008 8:08:05 AM بتوقيت الأردن

على ذكر الرجين .صبيه زارت جدتها فاعدت الجده سفره فيها ما لذ وطاب ترحيبا بحفيدتها .وقالت لها :تعالي تغدي يا بنيتي ؟ .فقالت الحفيده : والله يا ستي انا عامله ريجيم . فردت عليها : الله يسامحك يا بنيتي ليش ما جبتيلي معاك صحنين من الرجين هذا حتى اذوقه .

10- الله لا يقدر وتصير

ابو علوان || 7/13/2008 8:32:19 AM بتوقيت الأردن

لانه
1-الزلمه رايح يخسر بيته ومرته
2- لما يزور اخر قرية تكون اول قرية زارها في كتاب النسيان

11- الاعجوبة الثامنة

جو || 7/13/2008 8:49:32 AM بتوقيت الأردن

انت ما عرفت يا اخ كامل ان البتحكي يعتبر اعجوبة وبعدين بحب احكيلك ان عهد رؤساء الوزارات الرجال الرجال الوطنين الاحرار انتهى.. وبعد ذالك اصبح الاخرين يهتمون بديمومة بقائهم على كراسيهم اكثر من اهتمامهم بمصلحة الوطن والمواطن وحاب تعرف وعلى ذكر القرية الاردنية ان بعض رؤساء الوزارات لو سألتو وين بتيجي دبة حانوت او بير ابو دنة او قطر او عيرة ويرقا صدقني ما رح يعرف ورح يقولوك يا اخي اسألني عن شارع الحمرا او الوكالات .......والباقي عندكو يا نشامى الوطن

12- سريرنا في القرى مش مريح

m.sh || 7/13/2008 8:53:42 AM بتوقيت الأردن

الاستاذ كامل
اسعد الله صباحك

التخيل السابع : سيعرف الفرق عملياً بين (نومة الأرض) و (نومة التخت أو السرير)..،،

والله شو هاالتخيل يا رجل في القرى
الاردنية الناس من شدة الفقر عم
بتنام وبتصحى على خوازيق. لا مش
نومة خليه عند اهلوا بعمان يا
عم وبلا من هيك نومة.

ثامن شي : سيكتب مذكراته تحت عنوان (لمّا كنت بنُـص الشعب) ...،،

كل واحد لما بدو يكتب مذكراته بكتبها بكل صدق وامانة وراح
يكتب انو هالجولة على القرى
الاردنية كلفت فقراء هذه القرى اكثر من500 مليون احسبها ممكن تطلع اكثر.

واهلا بكل زائر الى كل بقعة من
هذا الوطن الوطن الغالي.

13- لولاكم لما كان وزير

امير الامراء || 7/13/2008 9:14:58 AM بتوقيت الأردن

يا بشر الناس تطلع الى الامام وقد وصلواوانتم حتى الان تطلعوا الى وزير يزور قرية مع العلم اهل القرى عندهم استطاعة يضيفونه ومعه ايضا مائة وزير ماذا في ذلك واما الفقير فليبقى فقير لانه يتنمى فقط اجتهدوا ولا يكون الوزير يا ترى مو من عندنا والله جايز

14- حالنه النفسيه

بث تجريبي || 7/13/2008 9:18:22 AM بتوقيت الأردن

الكاتب العزيز اصعد الله صباحك وصباح الجميع وخاصه الى سامر مدانات على التعليق
بنخاف على الحاله النفسيه لرئيس الوزراء عشان هيك لازم نعفي من ها المهمه تماما مثل حميع المهمات السابقه الموكله له مش هيك
000000انقطع الارسال0000

15- اهلا وسهلا ومرحبا

ابو عمران العودات || 7/13/2008 9:22:16 AM بتوقيت الأردن

اخ كامل شو المقال الحلو شو ناوي اتزيد فقر المواطن فقر للاسباب التالية: ا- راح الرئيس يحسب مياومات عالطلعة اشي بالهبل وراح اصير عجز الموازنة اشي مش معقول وبناء على ذلك راح تفرض الحكومة ضرائب جديده وترفع المحروقات من اجل تسديد العجز 2 ثانيا: راح كل قرية اتفطر واتغدي واتعشي الرئيس على حساب البلدية هاظا الحكي معناته انة البلدية فلست يعني راح ادق بالمواطن وتفرض ضرايب جديده وحدة القرية ثالثا: راح يكثروا هزازين الذنب في كل قرية ويحلفوا بحياة الرئيس وانة الرئيس الوحيد اللي ما صار على دوره رفع في الاسعار رابعا: راح يسبب زيارة الرئيس ازمة مرورية وزيادة الحوادث واحنا مش ناقصنا خامسا:اتمنى على الرئيس ان يبقى في عمان وما انشوفة الا من خلال التلفزيون احسن

16- وبعدين

........... || 7/13/2008 9:37:31 AM بتوقيت الأردن

وبعدين متى بدنا نقرأ مقالة لغيشان والله زهقنا صارله من الجمعة ماكتب

17- صباحكم

سنفوره || 7/13/2008 10:03:14 AM بتوقيت الأردن

صباحكم جميعا....
اااااااااااااااااخ اذا زياره جنابو رايحه تعمل شي غير المخاسر والكركبه للناس..يضل بعمان مرتاح احسنلو..تحياتي..سنفوره

18- وين ابو عمران العودات مش مبين اليوم

محب || 7/13/2008 10:06:57 AM بتوقيت الأردن

وين ابو عمران العودات مش مبين اليوم خوف الله خوف الله انك زايد العيار حبتين اعطوك حذف

19- وين الشباب

واوي مراقب الوضع || 7/13/2008 10:20:09 AM بتوقيت الأردن

كل إشي الا دولة رئيس الوزراء هذا رجل محترم لا يجوز التعليق عليه يا بشر
وين نجوم التعليقات اليومية
جمال العدوان و كريمة و ابوتايه و لينا مطاوع و محمد الشامي و نسيت الباقي

20- صباح الورد

اموله || 7/13/2008 10:35:30 AM بتوقيت الأردن

يعطيكو الف عافيه على المقالات الحلوه
بتمنى تعلق على ديوان الخدمه
لاني معلمة رياضيات تلات سنوات وما تعينت انسيت اللي درسته وشكرا

21- الى16

m.sh || 7/13/2008 10:37:11 AM بتوقيت الأردن

ممكن غيشان في فرنسا سابق
دولة الرئيس خلسة علشان يطلعوا
بنهفة مرتبة. يا عم هذول الكتاب والصحفين زي الفاريت بطلعولك
وين ما رحت وين ما جيت.ولا تستغرب
اذا كان معو الاستاذ كامل في فرنسا
ممكن مقال اليوم كتبه وبعثه عل
الايميل. ادخل علمسنجر استاذ كامل
بلكي في عندك اخبار من فرنسا.

22- القارص

وسام ربابعه || 7/13/2008 10:44:15 AM بتوقيت الأردن

اكيد الرءيس مش راح انام من القارص

23- ترحيب

كملات ابو الروس || 7/13/2008 11:31:50 AM بتوقيت الأردن

ياريت ...... تصير يالله شو راح افرح لأني بدي احكيله عن قريتي المسخمة، ولا عمره مسؤول زارها يا حسرة. لو تعرف اديشها حلوة قريتي بس بعيدة شوي،وناسها اطياب. وراح يرحبوا بالضيف. عن جد بحكي يارب تتحقق امنيتي ويزورنا يارب يارب يارب يارب

24- الغايب عذره معه

واوي متخفي || 7/13/2008 12:27:40 PM بتوقيت الأردن

شو يابن عمي ليش تسال عن جمال وكريمة وابوتايه ولينا يمكن ناس فيهم تعبان او مسافر...

25- فكرة مهولة

هنداوي 44444 || 7/13/2008 12:59:32 PM بتوقيت الأردن

فكرة رائعة وتكون جنابك بمعية سيادة الرئيس تدون المطالب التي يطلبها المواطنون . ويا ريت أكون معكم زمان ما أكلت منسف

26- وأنا ؟

أبو خالــد * || 7/13/2008 1:58:06 PM بتوقيت الأردن

خدوني معكوا أترجم ..

27- يحق للكاتب مالا يحق لغيره ؟؟؟؟

محمد خليل الشامي/ العقبة || 7/13/2008 2:05:21 PM بتوقيت الأردن

اولا اقتراح جميل من الكاتب الذي عودنا دائما على الافكار الجميلة اما العقبة التي انا منها ففخامته اقام فيها سنين و نمتها مريحة جدا لانه مكيفات الهواء تعمل معظم الوقت وفاتورة الكهرباء للمنزل الي في اطفال تتجاوز 120 دينار شهريا , الله يعينا (اهل العقبة مضربين بحجر)وبقول لصاحب تعليق رقم 16 شكرا لانك فقدت الاخون (مع انه تلميحك على تظرية جمال العدوان ظاهرة من السؤال علينابس عن جد شكرا مع كثرة انشغالي اليوم اطريتني اكتب؟

28- والله انك مشكلجي

احمد الدهني || 7/13/2008 2:36:56 PM بتوقيت الأردن

ابو نصير المحترم الصحيح انك صاير تدور على المشاكل بدك الرئيس ينام بكل قريه يوم .لو دخل الرئيس قريه لما خرج منها من شهر كامل يا كامل وعد قرى وعد شهور والرئيس بحاجه الى واجب ضيافه والناس ماكله دبس وين الزفر ما في .وبعدين بدك الرئيس ياكله القارص بالليل والا يصيبه اكتئاب حاد يفضي به الى الانتحار بدل الاستقاله والا شو بده بالمذكرات اللي مش رايحه تودي اوتجيب ولا تنسى ان اهل القرى لا يجيدون فن النفاق ومسح الجوخ والتطبيل والتزمير .عليه ستكون عوائد النومه كارثيه ولك تحيه

29- نظرية العدوان

جمال العدوان || 7/13/2008 3:10:44 PM بتوقيت الأردن

مساء الخير اخ محمد انت تقول نظرية جمال ماهو قصدك من هذه الكلمة ؟

30- ورد خطاء التعليق المقصود رقم 19 وليس 16(للواوي مراقب الوضع)

محمد خليل الشامي/العقبة || 7/13/2008 3:12:46 PM بتوقيت الأردن

لذلك وجب التنويه وشكرا للجميع

31- الى جمال العدوان

سنفوره || 7/13/2008 3:59:08 PM بتوقيت الأردن

انت شو بدك بالناس شو تحكي..محاسب كل واحد ع كل كلمه ...ارحمنا شوي..اليوم حضرتك ما بينت الصبح.. توقعت يكون حدا مستعمل مبيد حشري....سنفوره

32- بلا بطيىخ

نسورة الامورة نسرين درادكة || 7/13/2008 4:18:00 PM بتوقيت الأردن

لماذا لا يتم تطبيق الفكر بشكل اخر بحيث تصبح نومة الرئيس في كل بيت اردني وهيك بيتحسس مشاكل كل الطبقات من اعلاها الى ادناها وبما ان الدنيا صيف وكيف رح اكون اول من يعزم دولته ورح افطره بطيخ واغديه ملوخيه بلا اشي وانيمه بلا عشا لانه العشا محسوبكم بنقص العمر والله يطول عمر الريس

33- حشورة قصدي سنفورة

جمال العدوان || 7/13/2008 4:31:34 PM بتوقيت الأردن

عفوا ياسنفورة حضرتك محامي دفاع عن المعلقين ؟ من طلب منك ان تحشري نفسك وانا مابقصد المحاسبة ياحشورة مسلسل نور بدأ لحقيه قبل مايخلص !شميت ريحة سنافر ياسنفورة!

34- حرام

مرام || 7/13/2008 4:56:41 PM بتوقيت الأردن

صدقوني ..عند دخوله القرية الاولى سوف يصاب ب(جلطة) لا سمح الله ..من المفاجأت التي سيشاهدها ..استاذ كامل الرجاء ارحمه من ذلك وأعد ترتيب الأرقام ..لكن الرجاء الأبتداء بالعكس ...من تحت لفوق...

35- وين تعليقي ؟

كريمة وهاب || 7/13/2008 5:02:12 PM بتوقيت الأردن

اين تعليقي هيك بزعل كتير
المحرر: لم يصل

36- الى جمال العدوان شوي شوي ع حالك

سنفوره || 7/13/2008 5:06:32 PM بتوقيت الأردن

انا حشوره وسنفوره ومحامي دفاع واذا مش عاجبك طق راسك بالحيط يعني عادي....بس بدي منك ما تشد ع حالك كتير...بعدين العصايه اللي بايدك تنكسر..عرفت علي...وصلي ع النبي ..احسن الك

37- للعلم

جمال العدوان || 7/13/2008 5:06:43 PM بتوقيت الأردن

الحكومة سد منيع لاشيء يغيرها إلا إرادة الله عز وجل وإرادة ملكية سامية من جلالة سيدنا اطال الله في عمره ! وكل هولاء الاشخاص الذين يعلقون تحت إسم مستعار فهم لايغيروا ولا يبدلوا شيء لإنهم لايستطيعوا ان يدخلوا تحت إسمهم الحقيقي خوفا من المواجهة مع العلم إن سيدنا طلب من جميع المواطنين بحرية الرأي والحوار بكل صراحة دون خوف وسيدنا يظمن له الحماية ولكن سوف يبقى الخوف في قلوبكم مدى الحياة لإن كل واحد من هولاء مهزوم داخليا ولكم تحياتي يااحرار التعليقات فقط ! جمال العدوان الشونة الجنوبية !

38- الفيهم

معجب بابنائي || 7/13/2008 5:34:49 PM بتوقيت الأردن

شو هالفلته جمال اني فكرتك نيوتن الشونة احسن ما تعلق افضل لانة تعليقك دائما عكس الموضوع

39- حشورة ولا سنفوسة

امير الامراء || 7/13/2008 5:36:41 PM بتوقيت الأردن

عيب عليك الكلام وبعدين لا اشوفك توطوطين عند الرجاجيل وروحي كملي جلي الصحون

40- الى جمال العدوان

نسرين حامد درادكة || 7/13/2008 5:58:33 PM بتوقيت الأردن

انا اشد على يديك وأؤكد على كلامكيجب ان نكتب اسمائنا الحقيقية ونكتب باغمق حبر ويا ريت نقدر نكتب بالالوان كمان وجلالة الملك كفل التعليق بحرية دون خوف من أحد اما الريس فبعده على العزيمة واذا ما عجبه البطيخ والملوخية انا عازميته على منسف اربدي باللحم البلدي والجميد الكركي والدار عمانيه
وكيف الهمة؟؟؟؟؟؟؟؟ عالييه غصب عن الاسعار

41- مين بحكي...امير الامراء!!!جمال!!!!

سنفوره || 7/13/2008 6:24:03 PM بتوقيت الأردن

مين بحكي قااااعد.....امير الامراء..اول شي احكي عربي عشان الواحد يفهم عليك يعني ..شو بتحكي هندي انتا يعني..ثقافتك هندي!!!بنصحك تتعلم عربي..
وجمال تاع الشونه!!يعني اسمك شو عمل لمن كتبتو!!!@@والاا شي اكيد....وتاكد انك مش ح تدوم ان ضليت ب هاللسان

42- أسماء حقيقية

مبدع || 7/13/2008 6:30:35 PM بتوقيت الأردن

وأنا أيضا من أشد المؤيدين للكتابة بالأسماء الحقيقية (الرباعية) ولكن المانع الوحيد هو انتحال الأسماء...تصور أحدهم ينتحل إسمك الحقيقي ويرسل تعليقات لا أخلاقية ...
أعود وأكرر أرجو من الدستور أن تضع نظاما للتعليق بحيث يكون للمعلق إسم مستخدم وكلمة سر...

43- تعليق

لينا إسماعيل مطاوع || 7/13/2008 7:26:40 PM بتوقيت الأردن

أولاً : شكراً للأخوة الذين سألوا عني
ثانياً : لم يتح لي التعليق هذا اليوم إلا فترة قليلة في الصباح الباكر ، وذلك لأنهم أمس مسكونا ونحن نسرق كهرباء ، وطعمونا هوا ، فصرنا نشغلها فترة محدودة خارج الدوام
ثالثاً : من كثرة التعليقات لم أجد ما أكتبه ، فالإخوان كفوا ووفوا
وخفت من التكرار
ولكني متوقعة أن جلد الرئيس طري وحساس جداً ، وقد ينسلخ جلده من النومة الأولى في القرية الأولى من قرص البعوض ، تعالوا وشوفوا : إذا أنا ساكنة في عمان وجلدي أسمك من جلد التمساح ، ومع ذلك كله دبر زي الهبر من البعوض اللئيم . أما إذا بقي حياً بعد علاجه في فرنسا من
قرص البعوض وأعراض الملاريا والحرارة
فسوف يحرم على نفسه مغادرة عمان إلا إلى عواصم الدول الأوروبية

44- شو ياشنكورة

واوي صاحي متأخر || 7/13/2008 7:43:20 PM بتوقيت الأردن

اني اشم رلئحة تهديد من سنفورة
الى جمال العدوان بس انا اشك
بانك سنفورة .الحكي الي بنكنب
اكيد ما هو نكي سنفورة. اكيد
هاظا حكي كبير يمكن يكون حكي خنشور او خنشورة.روحي مشطي شعرك
ابو العيال بنادي عليكي.

45- أبو وطن (المهلهل)

رمثاوي || 7/13/2008 8:05:10 PM بتوقيت الأردن

مسا الخير وكل شي زاكي والله مش عارف شو بدي أحكي بعد هالمقال المؤلم على كل حال بندعي ربنا ونقول انشاالله يقرر عطوفته وووووو..............! ودمتم بحفظ الله اخوكم أبو وطن (المهلهل)

46- خنشوره بعينك صحيح

سنفوره || 7/13/2008 8:12:19 PM بتوقيت الأردن

انا حره بتهديدي ...وانت شو حشر انفك الطويل بالموضوع...العدوان قال حريه راي ع اساس ..وبعبر عن رايي ع كيفي وبناشد الاستاذ كامل يوقف هالمهزله ...واوي قال؟؟محنا بحديقه حيوانات ...بشو مخوفك جمال حتى توقف معو ها؟اكيد بشي خطير..هههه.تخبى تحت الطاوله بلاش الاسود تاكلك

47- موضوع عديم الفائدة

بكره الغباء || 7/14/2008 9:17:12 PM بتوقيت الأردن

كاتب لا يمت للكتابة بصلة ..حافظلي مصطلحين وجاي يحكيهم..شو استفدنا من هالمقالة ..مش لاقي ايشي يعبر او يؤدي الى تاثير في نفوسنا..يعني الفاضي بعمل قاضي..بدل صف الحكي حاولوا ايجاد حلول مش كل واحد يقعد يعرط ثقافيا بالمقال ويقعد يبهر وبيحر في تخيلاته..موضوع غبي..

48- مساء الكفاح.... لأستاذى العظيم

واحده وحيده || 7/15/2008 3:51:04 PM بتوقيت الأردن

تعرف أستاذى
ياريت كل زئيس ورزاء يعمل كده

بجد
حضرتك أكيد لك مغزى
والمسألة مش مجرد سخريه
وأنا من وراء الجديه المٌقّنعه جداً بقلمك الزاهى
أدعو ... و أنا الفقيره إلى الله التى لا يسمع لكلمتها أحد أكيد.... أدعو كل رئيس دوله و وزراء إنه يجرب ولو يوم واحد إنه يعيش عيشة شعبه
إحتمال لو حد عمل كده يقرر إنه يبطل إفترا
لأنه ها يحس إن الشعب دا بطل دون خوض حروب بالأسلحه
يكفى فقط حرب لقمة العيش

مساءك كفاح أستاذى الجليل
أدام الله لنا قلمك المحترم

49- شو ؟!!

Nasra || 7/30/2008 5:26:29 PM بتوقيت الأردن

لأن عدد القرى الأردنية أكثر من أيّام أي حكومة تشكلت في الأردن !!!!
يعني على اعتبار أن كل القرى معروفة وما في شي واقع من الخارطة ؟!!!

50- وينك ؟

علا بركات من مصر || 8/8/2008 3:09:57 AM بتوقيت الأردن

صديقي العزيز
وينك مش باين من زمان ؟
يارب تكون بخير
وحشتنا جدا
كل ما ادخل الزاويه ما الاقيك
يارب ترجع لنا بسرعه
تحياتي
علا بركات

51- الله الله

cad-3 || 8/13/2008 12:28:23 AM بتوقيت الأردن

والله يا ابو نصيرات الحال من بعضة

52- ????

wafa massoud || 8/15/2008 10:42:55 PM بتوقيت الأردن

ربنا يعين !!!!!

53- WHY NOT?

DRKHALID || 9/3/2008 12:18:59 AM بتوقيت الأردن

وميين ماسكه؟ما ينزل يشوف العالم كيف عايشة!
ولا ما بيقدر يستغني عن المرسيدس والكورن فليكس؟

تحياتي مستر كامل.وكل عام وانت بخير

54- رمضان كريم

ربيع الزهور || 9/3/2008 8:50:55 AM بتوقيت الأردن

مقاله اكثر من رائعه حفظك الله

55- عاشر شي

الصادق عبدالسيد ... || 9/15/2008 10:47:16 AM بتوقيت الأردن

السلام عليكم ورحمة الله وبركاته

أخي : كامل

كل عام وأنت بخير ...

عاشر شي :

أفز من نومي مولولاً أهو حلم !!!

تقديري واحترامي ...

56- عيد سعيد

ريما الشيخ || 9/29/2008 7:29:40 PM بتوقيت الأردن

جئت لأهنئك بعيد الفطر السعيد
كل عام وانت بألف الف خير اخي
كل عام وتنفيسك الأروع على الاطلاق
تحياتي

57- كل عام وانت بخير

حسان عبيدات || 9/30/2008 6:56:40 PM بتوقيت الأردن

حبيت اهنئك بالعيد
وكل عام وانت بألف خير وينعاد عليك
حسان عبيدات

58- مرحبا

محمد || 2/2/2009 6:08:13 PM بتوقيت الأردن

بس بتعرف يا ريت هذا الحكي يصير

الاسم:
عنوان التعليق :
التعليق :

البحث والارشيف	أوقات الصلاة
حركة الطائرات	حالة الطقس
اسعار العملات	مؤشرات اقتصادية

يومية سياسية عربية مستقلة تصدر عن الشركة الاردنية للصحافة والنشر
المدير العام سيف محمود الشريف	رئيس التحرير المسؤول محمد حسن التل